Tamara Wolf

Eau sun

Tamara

Wolf

ed eau candidesch per il presidi da Swiss-Ski

Scrollicon

Mias visiuns e mieus böts

Nus dains nos cour e nossa paschiun

  • Saia que aint il club, l’associaziun regiunela, aint il sport da massa u d’elita: atlets/as, funcziunaris/as e treneders/as s’ingaschan di per di. Els portan cun bgera paschiun il savair aint il sport – per il bun dal sport da naiv.
  • Nus vulains nüzzager quist fö ed unir vus meglder. Collier las persunas güstas. Construir punts e promouver il savair. Per que vulains creer puncts da contact ed ils mezs necessaris. Uschè rivains insembel inavaunt.

Nus lantschains il «2nd agüd»

  • Blesseda? E zieva? Memma bgeras/bgers atlets/as tuornan pür zieva bger temp – u mai pü. Memma bger potenziel nu vegn nüzzago.
  • Nus lantschains il program «2nd agüd» per optimer tuot il process da l’accidaint a la guarischun. Cun il savair disponibel, pudains lavurer insembel per cha atlets/as possan turner pü svelt zieva lur accidaints. Dal «2nd agüd» profitan tuots. Dals atlets, fin al fisioterapeut, ed ils medis, ma natürelmaing eir ils genituors.

Nus purtains ils stars pü daspera als giuvens e al sport da massa

  • Il sport da massa e noss giuvens da sport da naiv drouvan idols. Ma scu faun noss stars dal sport da naiv a purter ils giuvens da damaun sülla naiv? E scu fains ch’els sun pü daspera al sport da massa, al fundamaint dal sport d’elita?
  • Nus elavurains soluziuns, scu ch’al sport d’elita sustegna meglder il sport da massa – e viceversa. Pervi cha tuots duos sun dependents ün da l’oter. Ed uschè güzzains la rolla dad exaimpel da noss stars da la naiv, per ch’els faszineschan eir in futur noss giuvens.

Perche candidesch eau? Guarda cò...

Mia vita

Tamara Wolf

Di da naschentscha: 3 november 1985
Lö da vschinedi: Tavo (GR)
Linguas: Tudas-ch, italiaun, frances, rumauntsch, inglais
Hobis: Sport, ler

Scolaziun

  • 2015 – 2019 EXPERTsuisse, revisura diplomeda
  • 2010 – 2014 FH HTW Chur (Fachhochschule Graubünden), Bachelor of Science FHO, specialisaziun Finance and Accounting
  • 2002 – 2004 Stiftung Sport-Gymnasium Davos (SSGD), Matura
  • 1998 – 2002 Academia Engiadina, gimnasi Samedan

Experta da ski alpin

  • Dal 2021 Associate Director Group Accounting, LGT Capital Partners
  • 2018 – 2021 Senior Group Accountant, Partners Group
  • 2013 – 2018 Revisura Financial Services, Ernst & Young AG
  • 2011 – 2013 Assistenta, Finanz- e Vermögensverwaltung privata
  • Fino al 2011 Skiunza professiunela

Otras activiteds

  • Dal 2020 commembra da la commissiun da licenza da Swiss Football League (SFL)
  • Dal 2019 experta ski alpin duonnas, Radio e Televisiun Svizra (SRF)
  • Dal 2018 commembra dal cussagl dalla Stiftung Sport-Gymnasium Davos (SSGD)

Carriera da ski

  • 1. plazza cuorsa aval champiunedi mundiel juniors 2003, Briançon (FR)
  • 1. plazza cuorsa aval e 1. post super-G Universiade 2009, Harbin (CN)
  • 1. plazza cuorsa aval coppa europa 2010, St. Moritz (CH)
  • 8. plazza coppa dal muond cuorsa aval 2007, Altenmarkt-Zauchensee (AT)

Clubs da ski

  • Skiclub Alpina St. Moritz
  • SAS Zürich

Cun il sustegn da

Dominique Gisin

«Tamara Wolf ha üna paschiun pel sport da naiv. Cumbino cun üna scolaziun pretensiusa ed üna gronda experienza professiunela aint il cour da l’economia, porta ella tuot cun sai per güder a guider il sport da naiv svizzer in l’avegnir. Ella cumbina cumpetenza, aviertezza, e paschiun cun ün möd da penser oriento a la soluziun. Perque es Tamara Wolf per me la megldra candidata pussibla pel presidi da Swiss-Ski.»


Uniun Grischuna da Skis

«Eau cugnuosch a Tamara Wolf e sia famiglia daspö ans. Scu giuven talent ha ella attrat già bod l’attenziun dals trenaders dal center da prestaziun dal Bündner Skiverband. Cun sieu talent, la diligenza e volunted necessaria, es ella dvanteda champiunessa mundiela da junioras da la cuorsa aval. Displaschaivelmaing d’eira sia carriera er segneda dad üna seria dad accidaints. Uschia as ho ella decis da sa concentrer sün sia carriera professiunela ed ho cumanzo il stüdi d’economia, ch’ella ho pudia terminar cun success l’an 2014.

Trais motivs per tscherner Tamara Wolf aint il presidi da Swiss-Ski:

  1. Scu anteriura atleta d’elita, ha Tamara absolt tuot las structuras da Swiss-Ski ed ella ho treno sün tuot ils livels regiunels e naziunels. Ella cugnuoscha ils ots ed ils bass dad üna carriera sportiva ed as po metter aint illa situaziun dals atlets/dallas atletas. Quista experienza ed il lavur scu experta da ski e scu co commentatura dalla televisiun svizzra vegnan incunter ad ella.
  2. Tamara ho una solida experienza professiunela, es üna revisura diplomeda cun ün Bachelor of Science in Business Administration e porta l'experienza necessaria dal sectur privat. Ella so tuot las quatter linguas naziunelas e discuorra inglais curraintamaing.
  3. Tamara es üna persuna persvasiva cun üna mentalited avierta e plaschaivla. Ella sto cun tuots duos peis per terra, es conscienziusa ed ho ün möd da lavurer efficiaint ed intenziuno. Scu duonna ed experta da finanzas, füss ella ün inrichimaint pel presidi da Swiss-Ski.»

Gaudenz Bavier, President Uniun Grischuna da Skis


Skiclub Alpina St. Moritz

«Nus ugnuoschains Tamara scu atleta da success, scu Voluntari entusiastica als champiunedis mundiels da San Murezzan e surtuot scu duonna ferma cun visiuns ed ideas cleras. Cun sieu grand savair in connex cun las sfidas finanzialas, sieu talent per las linguas e sia persunalited comunicativa, considerains Tamara üna commembra pel presidi fich competenta.»

Franco Giovanoli, President Skiclub Alpina St. Moritz